TNPSC Group 2 Results 2018: டிஎன்பிஎஸ்சி குரூப் 2 தேர்வு முடிவுகள் வெளியீடு

TNPSC Group 2 Results 2018: டிஎன்பிஎஸ்சி குரூப் 2 தேர்வு முடிவுகள் வெளியீடு

டிஎன்பிஎஸ்சி குரூப்-2 தேர்வுக்கான முடிவுகள் டிஎன்பிஎஸ்சி இணையதளத்தில் வெளியிடப்பட்டுள்ளன. தமிழகம் முழுவதும் காலியாக உள்ள 1199 பணியிடங்களை நிரப்புவதற்காக நவம்பர் 11ஆம் தேதி இத்தேர்வு நடைபெற்றது.

டிஎன்பிஎஸ்சி குரூப்-2 தேர்வு நவம்பர் 11ஆம் தேதி நடைபெற்றது. இத்தேர்வு நடத்தப்பட்டு ஒரு மாதத்திலேயே முடிவு வெளியிடப்பட்டுள்ளது. இதுவே முதல் முறை எனக் கூறப்படுகிறது.

கடந்த நவம்பர் மாதம் 11 ஆம் தேதி தமிழகம் முழுவதும் சார் பதிவாளர், வருவாய்த்துறை உதவியாளர், தொழிலாளர் உதவி ஆய்வாளர், இளநிலை வேலைவாய்ப்பு அதிகாரி உள்ளிட்ட 1199 காலி பணியிடங்களுக்கான குரூப் 2 முதல்நிலை எழுத்துத் தேர்வு நடைபெற்றது. இதில், மொத்தம் 6,26,726 பேர் பங்கேற்றனர்.

இதையடுத்து, அதற்கான உத்தேச விடைகள் நவம்பர் 14 ஆம் தேதி வெளியிடப்பட்டது. இந்த முறை விடைகளில் ஏதேனும் ஆட்சேபங்கள் இருந்தால், அவற்றை மறுத்து இணையதளத்தில் மட்டுமே விண்ணப்பதாரர்கள் உரிய ஆதாரங்களுடன் விண்ணப்பிக்க முடியும் என தேர்வாணையம் அறிவித்திருந்தது.

ஏற்கனவே, இது போன்ற கோரிக்கைகள் எழுத்துப்பூர்வமாக அதாவது கடிதம் அல்லது மின்னஞ்சல் மூலமாகவே பெறப்பட்டது. இதனால், தேர்வுக்கான முடிவுகளை வெளியிடுவதிலும் தாமதம் ஏற்படுவதால் இணையதளத்தில் மட்டுமே விண்ணப்பிக்க முடியும் என தெரிவிக்கப்பட்டது.

இந்நிலையில், தமிழகத்தில் நடைபெற்ற குரூப் 2 தேர்வு முடிவுகள் இணையதளத்தில் வெளியிடப்பட்டுள்ளன. தேர்வு முடிவுகளை www.tnpsc.gov.in என்ற இணையதளத்தில் அறிந்து கொள்ளலாம். வருடக் கணக்கில் தேர்வு முடிவுகளுக்காக காத்திருக்கும் நிலை இந்த வருடம் மாற்றம் அடைந்துள்ளது. அதுவம் தேர்வு முடிந்த ஒரு மாதத்தில் தேர்வு முடிவுகள் வெளியானது இதுவே முதல் முறை.

http://www.tnpsc.gov.in/results.html


http://www.tnpsc.gov.in/results/SEL_MWE_GROUP2_2k18_LIST.pdf

-->